![]() |
31 Ottobre 2012, 00:37 - Francesca Danie... [suoi interventi e commenti] |
![Versione stampabile Versione stampabile](https://www.qualecefalu.it/sites/all/modules/print/icons/print_icon.gif)
![Invia per email Invia per email](https://www.qualecefalu.it/sites/all/modules/print/icons/mail_icon.gif)
Vinci l’arti o vinci la natura?
C’era a li tempi antichi un littiratu
ca un gattareddu s’avia ammaistratu
e l’aveva purtatu a puntu tali
ca dd’armaluzzu, ‘n modu originali,
stannu supra li zampi di darreri
cu l’autri dui tineva un cannileri
e, mentri a tavulinu iddu scrivia,
cu la cannila lustru ci facia!
Lu vecchiu suddisfattu si sintia
e cu tutti l’amici sustinia:
ca, cu l’arti so e cu la so bravura,
avia vinciutu la matri Natura!
Ma un gran matrifilippa titulatu
ca cchiù di tutti l’avia cuntrastatu,
cci vosi, pi scummissa, dimustrari
ca la natura nun si po’ canciari!
‘Na sira ca lu gattu era ‘mpalatu,
facennu lustru a ddu gran littiratu,
zzittu, zzittu, mentr’era a lu so latu,
d’un scatulicchio chi tinia ammucciatu,
cu prescia fici nesciri un surciddu.
Lu gattu, sfilittannu com’un griddu,
fricannusinni di lu so patruni,
lassò lu cannileri e, c’un satuni,
aggranfò lu surciddu pi lu schinu
e finìu, ‘ntempu nnenti, lu mischinu!
Dissi l’amicu a ddu gran littiratu,
mentri a lu scuru ridìa tuttu prjatu:
- Vidistivu, granni òmu di talentu,
comu finìu lu vostru ‘nzignamentu?
Siti convintu? Rispunniti allura:
vinci l’arti o vinci la Natura?
Caterina Daniele
(pubblicata sul giornale “Po tu cuntu” 15 maggio 1955)
-
- Accedi o registrati per inserire commenti.
- letto 1580 volte
Commenti
Puru pi li gatti .....
A Natura ?
Chi gatti r' uoggi nun vinci di sicuru.
Puru pi li gatti l'ebbichi canciaru.
Uoggi pi gattareddi, autru ca surcitieddi :
kitkatti, purpietti e piscitieddi.