![]() |
27 Dicembre 2013, 19:06 - Totò Testa [suoi interventi e commenti] |
![Versione stampabile Versione stampabile](https://www.qualecefalu.it/sites/all/modules/print/icons/print_icon.gif)
![Invia per email Invia per email](https://www.qualecefalu.it/sites/all/modules/print/icons/mail_icon.gif)
Agregio Sig. Sinnico
a leggiri li belli paroli del suo missaggio natalizio (https://www.qualecefalu.it/node/6112), ca al confronto a ninnaredda pari ‘na vastasata, in un primu momento avia pinsatu di irici lisciu.
Abbonè, datu ca è Natali, s’accucchiava sti tri punti a coppi quannu a briscula è bastuni!
Ma po, acconsurtannumi con i me' amici du Vasciu, ho canciato idea.
Prima, però, di spiegarici picchì ho canciato idea, ci volessi spiari un quizzo!
Secunnu vossia, agregio Signor Sinnico, qual è l’animalo addomestico cchiù addiffuso nelle citate di Cifalò?
Sugnu sicuru ca vossia, comu tanti cifalutani, m’arrispunni: “u iattu!”
“Sbagghiatu”, dicu iò “l’animalo addomestico cchiù addiffuso in questa citate è u cunigghiu!”
Pero, mentri i iatti si virino, a tri, a quattru, a cincu, aggiuccati nta tutti i cantunieri, i cunigghia si nni stannu ‘ntanati, ammucciati, arritirati a' parti rintra, arre’ i pissiani, n’za ma’ ddiu s’avissi a viriri fuora un pezzu di musu, un occhiu o ‘na punta d’aricchia!
Però, quantu ci nn’è! Quantu a rina ‘u mari! Un si ponnu cuntari! “…chia quantu su!” dicissi me cumpari Nzinu.
“Ma cu l’addieva?”, mi dumanna vossia.
“A maggior parti sunnu randagi” ci arrispunnu iò, ma a certuni ci piaci addivalli! Però ci sunnu chiddi ca ci piacinu di razza nana e ci su chiddi ca ci piacinu di razza giganti!
Nzumma, ci sunnu chiddi ca ci hannu i cunigghieddi e ci sunnu chiddi ca ci hannu i cunigghiuna, ma chista è tutta n’autra stuoria.
U puntu ntirissanti è ca, forsi, tanti cifalutani, a leggiri li sui belli palori, pinsaru di arrispunnirici, di contraccambiari, ma poi, tutti accupati a cummattiri chi cunigghia, chiddi randaggi e chiddi addomestici, ci hanno rinunciato!
Iò, inveci, ci voglio arrispondere e ci voglio arrivorgiri i miei auguri, can un sunnu cchiù di Buon Natali, dato ca u Bammineddu già nasciu, ma di un annu buonu, ca puru a vossia ci vieni l’alluminazioni e trova la strata chi devi trovari!
Picchì, agregio Sig. Sinnico, a mia, e’ me cumpari e a tanti cifalutani, ni pari ca vossia sta strata propriu ne’ a truvò, ne’ arrinesci a truvalla e ca, in ogni casu, chidda ca sta facennu 'un n'è strata ca spunta!
Picchì, veru è ca c’è a crisi economica, ma me lo vuoli spiegari, a mia ca un sugnu ne’ dottori, ne onorevolo, ne’ sapituri di cosi d’a pulitica, chi cuosa c’entra a crisi economica cu fattu di l’acqua potaboli, cu i localizzazioni compatiboli, cull’amminchiarisi ‘nta stuoria da posta vecchia, cu l’opposizioni ca ‘un è responsabili, da cruozza di albergu o’ lungomari ca n' a tinemu p’i prossimi cent’anni e ci pagamu puru i danni, d’a quistioni di l’aria Miccichè ca ‘un si po’ arrisorbiri (e n’avissimo a mettiri tutti ‘na maschira ‘nta facci!), du patrimoniu ca si vuoli vinniri, però vuoli cunsignato l’Osteriu Magnu! Pi fari chì? Pi vinnirisi puru chiddu? E a causa chi sorgenti Presidiana, e u museo Mantralisca ca chiuri, e i purtusa ca si allarganu, ‘nveci di strinciri, e u Clebbi ca ‘un rapi, u Scerbett ca s’affumò, i passiati cu Crocetto la Qualunque, i Borghi marinari, i figghi di Bisanziu, u Casinò, i tassi e i cuntratassi …. ?
Tutti devono partecipari al cambiamento? A quali cambiamento? Chiddu ‘n peiu ca stamu virennu di quannu vossia è sinnacu n’carrica?
E partecipari? Ma quannu mai vossia ha fattu partecipari i cittadini?
Ci pensa uora ca i vuoi scapparu da stadda?
Unn’era vossia chiddu impegnatu e competenti, crisimatu di ddiu, c’aveva arrisorbiri tutti i probremi ca i so’ pridicissori non avivano saputo arrisorbiri?
Mi pari a mia ca si scurdò una palora, quannu si prisintò all’elezioni : “Impegnu, compitenza e …. prisunzioni!”
Armenu, ‘nta tri prummissi, una a putieva 'nzirtari!
Picchi, agreggiu signor Sinnico, quasi tutti i cifalutani (tranni chiddi du so' circu ranvallicu) sunnu cunvinti ca peiu d’accussi vossia un’ puteva fari, ma iò sugnu sicuru ca vossia, all’annu chi trasi, sarà capaci di addimostrari ca, inveci, si po’.
Aspittamu, cu fiducia. Tanti auguri di buon anno!
Nzulu
Vorrei chiudere questo pezzo in prima persona per dire che, sotto il profilo umano ed, anche, del rispetto dell’apprezzabile storia sociale e politica di Saro La Punzina e di tanti suoi coadiutori, non posso che ricambiare affettuosamente gli auguri che, comunque, egli ha voluto rivolgere ai Cittadini di Cefalù in un momento così difficile e carico di tensioni, augurandomi, davvero, che nei prossimi mesi i protagonisti di quest’Amministrazione possano ritrovare il bandolo della matassa e cominciare a risalire la china, dimostrando di saper navigare nel mare tempestoso che, certamente non per causa loro, si sono trovati ad affrontare.
Se così non dovesse succedere, proprio la storia e la dimensione umana di coloro che occupano, fino ad oggi le posizioni di vertice, ci fanno confidare che loro per primi sapranno trarne le conclusioni, evitando a Cefalù ulteriori umiliazioni e gli ulteriori sacrifici che, forse, questa comunità, non sarebbe più in grado di sostenere.
Con l’augurio, comunque, di vederli sempre attivi e partecipi alla vita politica, culturale e sociale della città.
Inoltre tengo a precisare che il termine “presunzione” che ho usato negli auguri di Nzulu, mai e poi mai può essere letto con eccezione negativa o dispregiativa.
Ho sempre pensato, infatti, che la presunzione sia uno dei più efficienti carburanti del motore del progresso umano, da Davide ad Ulisse, da Alessandro Magno a Giulio Cesare, da Bonaparte a Garibaldi, passando, ovviamente, anche per quelli che la presunzione l’anno rivolta verso fini meno nobili ed ideali.
Anch’io, presuntuosamente, mi considero un presuntuoso, anche se, ultimamente, un po’ in disarmo.
Auguri di buon Anno, e speriamo bene!
-
- Accedi o registrati per inserire commenti.
- letto 1476 volte
Commenti
A Totò Nzulu
Caro Totò, sei grande! Auguri anche a te!