![]() |
29 Marzo 2013, 08:14 - Francesca Danie... [suoi interventi e commenti] |
![Versione stampabile Versione stampabile](https://www.qualecefalu.it/sites/all/modules/print/icons/print_icon.gif)
![Invia per email Invia per email](https://www.qualecefalu.it/sites/all/modules/print/icons/mail_icon.gif)
Il Venerdì Santo è il giorno in cui i cristiani commemorano la passione e la crocifissione di Gesù Cristo.
Voglio ricordare questa ricorrenza attraverso una poesia di Caterina Daniele
Rinnineddi piatusi
Gesù , ‘nchiuvatu ‘ncruci, in agunìa,
cu li labbra trafitti spasimava.
Li labbra sicchi pi l’arsura avia
‘na guccia d’acqua frisca addisiava.
Era arrivata già la sesta ura,
lu suli era di nuvuli vilatu
e l’aria s’era fatta scura scura:
chiancia la terra e tuttu lu criatu!
-Haju siti – murmurò lu Ridinturi
e di feli li labbra appi vagnati;
ma li peni suffria cu granni amuri
pi sarvari l’intera umanitati.
-Haju siti- suspirannu ripitìa
e l’anima sfardava la sò vuci,
mentri un battitu d’ali si sintìa
di rinnineddi supra la sò cruci.
Vinianu ciuciuliannu primurusi,
dda testa martoriata a carizzari,
rutiavanu d’intornu piatusi,
parìa ca cci vulevanu parrari!
-Haju siti!- cci dissi lu Signuri
e subitu li rinnini vularu
circannu acqua , cu granni firvuri,
e cu li pizzi ‘nchiusi riturnaru.
Supra la testa di Gesù a curuna
stettiru fermi e tutti li gucciddi
cadianu di li pizzi ad una ad una!
Comu ruggiada supra li ciuriddi
ddi labbra arsi di siti arrifriscaru,
ca si ficìru prestu risulenti
e l’occhi di Gesù ringrazziaru
dd’armaluzzi affannati , ma cuntenti!
Ma poi calò la testa senza vita,
spirò e trimò la terra parpitannu!....
Li rinnineddi , cu pietà ‘nfinita,
si nni vularu chiancennu chiancennu!.....
Caterina Daniele
-
- Accedi o registrati per inserire commenti.
- letto 1477 volte
Commenti
Grazie!
Ancora una volta : GRAZIE!