|
23 Marzo 2013, 18:46 - Salvatore Culotta [suoi interventi e commenti] |
P r i l ‘ a p e r t u r a d i l u L i c e u M a n n i r a l i s c a
1
Cifalutani, siti furtunati,
Aviti avutu li beddi favuri,
Di Manralisca 'un vi dimenticati,
Chiddu chi vi detti tantu onuri.
Sù cosi scritti e sù tistamintati,
Puru la firma cc'è di l'auturi;
Chist'omu granni 'ntra li scenziati
Funnau 'na scola di summu valuri.
2
Cifalutani, chi beddu muccuni !
Sunnu cosi di fattu, cosi veri;
Acchianau Cifalù beddu scaluni
Pri 'i paisani e pri li forasteri.
Sù cosi chiari e nun sunnu amucciuni,
Già lu beddu Liceu si misi in peri;
Finiu lu tempu di li 'gnurantuni,
Ora sci'enza cc'eni ogni quarteri.
3
Rricu Piraniu fu un omu scienti,
E cu l'omini granni è misu a lista:
Di beni di furtuna pussidenti,
Ora sintiti chista bedda vista.
Chi beddu 'ngegnu e beddi sintimenti !
Sempri a lu beni la menti pruvista:
Chist'omu granai 'un pinsau malamenti,
Ma pinsau beni scrissi un giurnalista.
4
Eu vantu di chist'omu gran favuri,
Quannu mi ivi eu a lauriari,
Iddu mi prisintau 'nni lu Retturi
Di l'Università, 'un si pò nigari;
Tant' anni lu sirvii di stimaturi,
Lu so' discursu mi facìa 'ncantari;
Maistri, trafficanti e zappaturi
Pagava a tutti e 'un si facìa sparrari.
5
Cari Signuri, la mia menti è frisca,
Lu beni di chist'omu nun lu neu,
La so' ricchizza fui principisca;
Lu cani abbaia e lu gattu fa mèu !
Stu grossu pisci ammagghiau senz'isca:
Renniti, casi, Turritunna e feu:
Eni veru 'mmurtali Manniralisca,
Lu funnaturi di chistu Liceu.
6
Cari Signuri mei, sugnu finutu;
Scusati s'haiu fattu quarchi erruri;
Ora, poviru vecchiu, chiamu aiutu,
Fazzu li versi cu stentu e suduri.
Ma chi vuliti? 'un pozzu stari mutu,
L'estru si movi e lodu a lu Signuri;
Chist'omu granni beni conusciutu
Fici cosi pri mia d'un gran dutturi.
20 Dicembre 1890.
Carmine Papa – Poesie Siciliane – Cefalù, Tip. Salvatore Gussio 1892
-
- Accedi o registrati per inserire commenti.
- letto 684 volte