Scinziati di nenti

Scinziati di nenti

                di Liliana Mamo Ranzino

Nta lu nostru tempu
ca ci fa tuccari lu celu
cu la manu,
sparieru: carta, pinna e calamaru,
Tutti li nostri idei
e li nostri sintimenti
l'affiramu a un tastu
ca rista friddu nniffirenti.
A picca a picca
pirdemu puro l'usu di la scrittura,
l'usu di la manue
distratti, nun ci n'addunamu
ca lu munnu è divintatu
accussì stranu.
Chidda, oramai ca ni duna
la dicisioni, di li nostri problema
e ni duna a dumanna, na risposta,
è sulu na machina
lassannuci gnuranti
e lusingati scinziati di nenti.