Altri due riconoscimenti per Antonio Barracato

FIGGHI DA STISSA MATRI

E tempi ca u Signuri
creò stu munnu,
ammiscò tanti valura
e u fici tunnu.
Poi generò l’uomu
e nasciù a vita,
ca detti u so fruttu
e a stirpi divintò ‘nfinita.
Ni sta natura
si formaru tanti razzi
e dopu i caverni
si cotrueru palazzi,
città potenti
chini d’abitanti,
cu populi guerrieri
e imperi ‘mportanti.
E u ginirusu Creaturi
ci detti assai ricchizzi
eppuru u so amuri.
Ma all’egoismu umanu
unn’abbastò poteri
e accussì Cainu
ammazzò so frati Abeli,
e l’umanità continuò a fari guerri
pi conquistari tesori e autri terri.
Ci foru i crociati,
i lotti d’indipendenza,
e poi guerri mondiali.
Nun si capisci ancora
unni si vò arrivari,
e cu stu terrorismu
chi si voli dimostrari?
Chistu era u scopu du Patri Eternu?
viviri a so terra
riddutta comu u ‘nfernu?
Comu si fà a truvari un pocu di paci?
e capiri chiddu ca Cristu
ni vosi diri supra a cruci:
…ca semu tutti figghi
e rami da stissa matri…

                       Antonio Barracato