Pi l'auguri di u nuovu annu...

NATALI 2012

Scinniennu di li cursu a la marina
A Cifalu' si rispira un'aria Divina
Musica e Canzuni ci fannu ricurdari
Ca ieni fiesta e puru Natali
Tra tassi e spisa di pavari
Lu guvernu li sacchietti ci fici svuotari
Cu la panza china e li manu vacanti
Pi tuttu l'anno amu a ghiri avanti
Baci - Abbracci - Auguri ni putiemu assai fari
Picchi ancuora nun li puonnu tassari
Ma si un jornu ci li fannu pavari
Ai Guvirnanti miricini e duttura ci vuogghio augurari
Tuttu chistu succieri picchi l'uomu nun vuoli accittari
Ca lu "Ridinturi" nasciennu Amuri e Paci ci vuosi dunari
Pi li cuosi putiri canciari
Sempri cu "Iddu" n'aviemu a raccumannari
Ci sunnu chiddi ca si vulissiru lamintari
Ma lu distinu si vinni a pigghiari
Senza iddi aviemu a fistiggiari
Cu l'auguriu ca un jornu putilli 'ncuntrari
A l'emigratu ca ieni luntanu
L'auguri mannu assittatu o "chianu"
Iu ca sugnu Cifalutanu
Un vasuneddu vi rugnu cu lu cori in manu
Cu lu litturi mi vuogghiu scusari
A li scienziati auguri speciali
Lu Bambineddu la menti v'avi alluminari
Pi li malati putiri salvari
Pi l'auguri di u nuovu annu
Accattativi i causi di pannu
Li sacchietti difficilmenti si puonnu spunnari
E qualchi euru vi puo' ristari
Pi l'auguriu di u nuovu annu
Pinsati a saluti ca l'autri cuosi nienti vannu
Priannu sira e matinu
Auguri a tutti da Ninu Ranzinu

Cefalù 25.12.2012                   Nino Ranzino