Poesia: CEFALU'

Quantu bedda ca sì vasata du suli
ancora cchiù bedda quannu si fa scuru,
pussenti 'dda rocca suvrasta li casi
e 'ddu campanili ca 'nterra si posa.

Lu sentu lu mari cchiù azzurru dù celu
ti porta i canzuna di li piscatura,
nu lettu 'nnoratu ti pari 'dda rina
ti duna caluri e ti scarfa lu cori.

La zagara 'nciuri ti manna l'oduri
lu virdi scumpari tra tantu caluri,
quantu bedda tu sì a tutti li uri!

Macari la luna talìa 'sta cità
'ncantata, stasiata, cu cumplicità:
l'amuri ca nasci 'ntè notti d'està.

Margherita Neri Novi

tratto dalla raccolta di poesie "La me terra" (ed. 2007)
leggiamo questo omaggio appassionato alla nostra città, da parte di una poetessa che ha ricevuto numerosi riconoscimenti letterari per i suoi versi in lingua siciliana.
Per ricordare, prima di tutto a me stesso, che Cefalù avrà sicuramente tanti problemi, ma rimane sempre magica ed inimitabile se riesce ancora a suscitare queste emozioni nell'essere umano.